Dag 1: Avreise
Me startar med bussen frå Haugesund og Bergen og køyrer mot vakre Valdres, der me i dag skal krysse den kjende Valdresflya. Her har me god utsikt over fjell og vidde, før me kjem ned i Gudbrandsdalen og set kursen nordover mot Dombås. Dombås, stasjonsbygda ved Dovrefjell, er eit obligatorisk stopp når me er på tur i dette området. Me køyrer så vidare mot vakre Dovrefjell, til me kjem fram til skiferbygda Oppdal.

Dag 2: Spelet om Heilag Olav
Me set kursen mot Levanger, bygda som er kjend for dei vakre trehusa sine. Her skal me ete middag og kose oss på det historiske hotellet. I kveld skal me til Stiklestad og oppleve spelet om Heilag Olav.

Dag 3: Nordmøre
Etter ein god frukost på hotellet set me kursen tilbake mot Trondheim. Her skal me ha ei omvising og sjølvsagt besøkje Nidarosdomen. Frå Trondheim køyrer me sørover til Kristiansund. Her skal me ha eit lite stopp, før me tek fatt på endå eit av høgdepunkta på turen, nemleg Atlanterhavsvegen. Dette vegstykket langs kysten av Møre møter oss ved sjølve storhavet medan me hoppar frå øy til øy med bussen vår. Storhavet slår inn i dei tronge sunda, og me kan sjå mange flotte hus som klorar seg fast på dei mest uframkomelege stadene. Me stoppar sjølvsagt undervegs for å nyte dette strekket. På kvelden kjem me fram til Molde, der me skal overnatte og ha ein fin middag på hotellet.

Dag 4: Hjemreise
Etter frukost kryssar me Romsdalsfjorden med ferja og kjem til Sunnmøre. Me køyrer forbi Ålesund, Ørsta og Volda og vidare til Stryn, der me har eit lite stopp. Vidare skal me køyre langs Nordfjord over til Sunnfjord, og på ettermiddagen kjem me fram til Bergen etter ei vakker historisk reise med kultur, glede og opplevingar.

