Dagstur til Fedje

Fedje er ei øy som ligg ytst i Nordhordland, og er ein av dei minste kommunane i landet. Øya har lange og stolte tradisjonar innan fiske, kvalfangst, sjøfart og som losstasjon, og me får høve til å bli betre kjende med både historia og livet her ute i havgapet.

Me startar turen frå Bergen om morgonen og køyrer gjennom Åsane før me kryssar Osterfjorden og kjem inn i Nordhordland. Derifrå går ferda vidare til Radøy, den grøne øya, og me passerer fleire bygder på veg nordover. Når me kjem til ferjekaien på Sævrøy, ventar overfarten over Fedjeosen, og på Fedje står ein lokal guide klar til å ta imot oss og fortelje om øya og kvardagslivet der.

Me køyrer opp til sjøtrafikksentralen, der utsikta strekkjer seg over heile øya og havområda rundt. Etterpå blir det tid til å rusle rundt på eiga hand i sentrum av bygda og kjenne på den rolege atmosfæren. Deretter får me servert ein god, lokal lunsj før me tek ferja tilbake og set kursen heimover. Returen går via Lindås, slik at me får ein fin og variert rundtur denne dagen.

Avreisedato: Pris: 1390,- RunWay klubbmedlemmer: 990,-

Grunnprisen inkluderer:

• Reise med moderne turbuss med sjåfør og reiseleiar frå RunWay

• Ferjetur til Fedje

• Lokal guide på Fedje

• God lunsj på Fedje

• Alle opplevingar som nemnde i programmet